Mikel Luzea
Esp / Eng / Eusk

MIKEL LUZEA, ILE APAINTZAILE ETA ESTILISTA

NAZIOAN IBILBIDE ABERATSA EGIN DUENA,

ETA BAITA NAZIOARTEAN ERE

MIKEL LUZEA NAZIOARTEAN EZAGUNENETAKOA DEN
ESPAINIAKO ILE APAINTZAILE OSPETSUENETAKOTZAT JO DUTE DAGOENEKO. MUNDU OSOKO ILE APAINTZAILEEK MIRESTEN DITUZTE BERE SORMEN LANAK ETA BERE ESTILOA.

Mikel Luzea

deskargatu biografia, PDFn

Ikus ezazu hemen "MIKEL LUZEA, ILUSIOZ BETERIKO 20 URTE" dokumentala, bere ibilbide profesionala, jatorria eta bizitza pertsonaleko hainbat kontu.

IBILBIDE ABERATS BATEN OSPEA

1967. urtean Iruñean (Espainia) jaiotako ile apaintzailea. 19 urte zituenetik dabil lanbide honetan. 1991. urtean, Londresera joan zen. Bertan, erabat identifikatu zen ilea apaintzeko modu britainiarrarekin, eta hiriburuko hainbat apaindegitan lan egin zuen. Bezeroak izan zituen BBCko eta MTVko pertsona oso ospetsuak.

1996. urtean, Iruñera itzuli zen, eta bere lehen apaindegia ireki zuen. Hortxe hasi zuen ile apaindegien munduan bere ibilbidea Mikel luzeak. Harrezkero, munduko aldizkari profesionalek eta moda-modakoenek argitaratzen dituzte bere lanak. Urtero, mundu osoko aldizkarietako azalean agertzen dira bere bildumak. Telebistan ere eskarmentu handia dauka, urteetan agertu izan baita irudia aldatzeko aukera ematen duten saioetan.

1999. urtean, web orria ireki zuen, Espainian ile apaindegiek izandako lehenetakoa, eta web kamera zeukan lehena munduan, bere apaindegi bateko lana zuzenean ikusi ahal izateko jarri zuena. Nazioko zein nazioarteko hedabideen arreta piztu zuen horrek, eta albisteak oihartzun handia izan zuen. www.mikel-luzea.com web orria, hain zuzen, Espainian bisitari gehien dituen ile apaintzaileen web orrietako bat da.

IBILBIDE ABERATS BATEN OSPEA

Bazter guztietako profesionalak joaten dira mundu osoan barrena egiten dituen erakustaldietara. Mikel Luzeak profesional talde bikaina dauka, kosmetika etxe garrantzitsuenentzat lan egin du, eta gaur egun, Revlon Professional multinazionalarentzat arte kolaboratzaile dihardu, nazioartean. Mundu osoko ile apaintzaileek asko miresten dituzte bere sormen lanak eta estilo pertsonala.

2003. urtean, bigarren apaindegia ireki zuen. Oso diseinu berritzailea dauka, eta horregatik, sektore horretako munduko ezin konta ahala aldizkarik argitaratu dute apaindegiaren berri euren apainketa atalean. 2004. urtean, apaindegi horrek Nafarroako Merkataritza Ganberak komertzioei emandako diseinu saria irabazi zuen. 2004ko urrian, era berean, lehen aldiz parte hartu zuen Londresko ALTERNATIVE HAIR SHOW jaialdian (munduko jaialdirik garrantzitsuena; onenak baino ez dituzte bertara gonbidatzen, eta Mikel Luzeak arrakasta handia lortu zuen). 2004ko ekainaren 1ean, GLOBAL SALON BUSSINES AWARDS saria jaso zuen Londresen; alegia, mundu osoko ile apaindegietako enpresaburu onenei emandako saria. Hain justu, apaindegien arloan erakutsitako ekintzailetza espirituagatik eman zioten. 2005eko urtarrilean, hainbat eta hainbat urte prestatzen jardun ondoren, MIKEL LUZEA LINE aurkeztu zuen, ilerako produktuen bere linea berezia.

2005. urteko irailean, bere lehen AIPP saria jaso zuen Parisen (nazioarteko sari garrantzitsuenetako bat), EFFERVESCENT bildumari esker. 2006an hirugarren apaindegia ireki zuen. Haren diseinu zainduak ere aldizkari profesionalen eta apainketa aldizkarien arreta piztu zuen. Urte horretan bertan, beste bi sari jaso zituen. Bata, Nafarroako egunkari batek urteko gazte ekintzaileari emandakoa; eta bestea, Escaparate aldizkariak moda eta joera berriei emandakoa. Urtea amaitzeko, bigarren aldiz parte hartu zuen ALTERNATIVE HAIR SHOW jaialdian. 2007. urtean, bere bigarren AIPPa irabazi zuen, ”ART" bildumagatik.

Mikel Luzea nazioartean ezagunenetakoa den Espainiako ile apaintzeetako bat da, eta beste hiru alditan parte hartu du Londresko ALTERNLATIVE HAIR SHOW jaialdian; hurrenez hurren, 2009., 2011. eta 2013. urteetan.

2009. urteaz gero, FÍGARO ELKARTEKO sortzaileetako bat eta lehendakaria da. Elkarte horrek, urtero-urtero, FÍGARO PASARELA antolatu eta FÍGARO SARIAK banatzen ditu; alegia, ESPAINIAKO ILE APAINTZAILEEI ematen zaizkien sariak.

2011ko uztailean María Perez de Cirizarekin ezkondu zen, urteetan bikotekide zuena; eta 2012ko abenduan jaio zen euren lehen semea: Jon.